Sámegiella álgogursa II (Álgu 2) čavčča 2011

Sámi giellaguovddáš lágida ovttasráđiid Sámi allaskuvllain sámegiela álgogurssa mas oahppit ožžot 15 oahppočuoggá. Geatnegahtton diehtodássi lea SAAL 1/Álgu 1-gursa dehe sullasaš máhttu. Oahpaheddjiin oahpahusa lágideapmi lea su. 150 diimmu guhku ja studeanta galgá iešheanalis bargat su. 150 diimmu. Gursa álgá 19.9.2011 Olmmáivákkis. Ii leat gursadivat, muhto oasseváldit fertejit ieža máksit oahppoávdnasiid jna.

Gáivuona suohkana bargit sáhttet ohcat bálkáhuvvon virgelobi searvat sámegiela gursii. Váhnemiidda, geain lea sámegiela oahpahalli mánná mánáidgárddis ja vuođđoskuvllas, lea vejolaš ohcat doarjaga Gáivuona suohkanis searvat sámegiela gursii. Gáivuonahat sáhttet ohcat sámegiela oahppostipeandda. Eanet dieđuid addá Inger Åsli tlf. 77719232.

Čakča 2011 oahpaheapmi lea dáid vahkuid: 38, 39, 42, 43, 46 ja 47. Njálmmálaš eksámen lágiduvvo skábmamánu loahpageahčen ovttasráđiid Sámi allaskuvllain, ja dalle leat válmmasteamitge eksámenii. Kurssa árvu leat 15 oahppočuoggá. Go studenanttat leat čađahan kurssaid SAAL/Álgu I ja SAAL/Álgu II, de sáhttet joatkit sámegiela lohkama Romssa universitehtas dahje juo Sámi allaskuvllas Guovdageainnus.

Dieđihanáigemearri: 01.09.2011. Mii lágidit gurssaid ovttasráđiid Sámi Oahppolávdegottiin. Gurssat álggahuvvojit jus leat doarvái oasseváldit. Dieđit Sámi giellaguovddážii tlf. 77719380 dehe e-boasta astrid.solhaug@kafjord.kommune.no