Ohcanáigemearri: 1.9.2011

Gursadoarjja - Sámegiella

Ovttasbargguin Sámi allaskuvllain lágida Sámi giellaguovddáš sámegiela álgogurssa, SAAL II / Álgu II, mii álgá čakčamánu 19. beaivvi 2011. Ovdamáhttu lea SAAL I / Álgu I dahje sullasaš oahppu. Gurssa oktavuođas almmuhuvvojit guokte doarjjaortnega:
1. Doarjja váhnemiidda/fuolaheddjiide geaid mánát čuovvot sámegielfálaldaga mánáidgárddis ja/dahje skuvllas
2. Dábálaš sámegielgurssa doarjja

2011-07-28 Astrid Solhaug

Gáivuona suohkan lea ásahan guovtti ortnega mas lea vejolaš ohcat ruhtadoarjaga álgogurssa oassálastimii:

• Doarjjaortnega ulbmilin lea addit vánhemiidda/fuolaheddjiide, geaid mánáin lea sámegiella mánáidgárddis ja vuođđoskuvllas, ekonomalaš vejolašvuođa váldit oasi sámegielkursii SAAL I / Álgo I (180 dii.) ja SAAL II / Álgo II (180 dii.). Doarjjaortnega mihttomearrin lea ahte vánhemat/fuoladeaddjit sáhtašedje leahtit gielalaš resursan ja -veahkkin mánáidasaset.

• Dábálaš sámegielgurssa doarjja. Doarjjaortnega ulbmilin lea movttidahttit suohkana ássit geavahit sámegiela.

Eanet dieđut dáid ortnegiid birra, geahča www.kafjord.kommune.no , dahje váldde oktavuođa Inger M. Åsli:in tlf. 77 71 92 32, e-poasta inger.marie.asli@kafjord.kommune.no

Ferte ohcat dakkár doarjagiid. Ohcamuš sáddejuvvo: Gáivuona suohkan, Pb 74, 9148 Olderdalen. Ohcanáigemearri: 1.9.2011

Se retningslinjer foreldrestøtte her Foreldrest%C3%B8tte%2C+samisk+spr%C3%A5k.doc